වරන් වරන් ඉර දෙවියන් අතින් වරන්
වරන් වරන් සඳ දෙවියන් අතින් වරන්
වරන් වරන් මිහිකත දෙවි අතින් වරන්
වරන් වරන් සත් පත්තිනි අතින් වරන්

වරන් වරන් විෂ්ණු දෙවිදු අතින් වරන්
වරන් වරන් දැඩිමුඩ දෙවි අතින් වරන්
වරන් වරන් මගේ ගුරුවර අතින් වරන්
වරන් වරන් දොළහම දෙවි අතින් වරන්

දැනෙන කියනවා නොවෙයි රජුන්නේ
නොදැන කියන කවි වරද නොගන්නේ
ඇතත් වරද දෙවි කමා කරන්නේ
කියන්ට කවි මට අවසර දෙන්නේ

උදේට පායන ඉර දෙවි වාගේ
සවසට පායන සඳ දෙවි වාගේ
රට මැද වැඩියම ගින්දර වාගේ
අපට පිහිට වෙනව ද ඒ වාගේ