නමකර මුනිඳුගෙ පාද වඳින්නේ
පෙමකර තුන් සරණේ අරගන්නේ
සමනල තිබු සිරි පතුල වඳින්නේ
සමන් දෙවිඳු අණයට නැගිටින්නේ

දුක්කර ලා බුදු බව ම පතන්නේ
ලක්දිව සැම තැන අපව නිදන්නේ
ලක්දිව සැම තැන ඇවිද බලන්නේ
සැක්ක්‍ර සුරිඳු අණයට නැගිටින්නේ

විස්තර ලෙස ධර්මය පවතින්නේ
කස්තුරි පිනිදිය ගෙනත් ඉසින්නේ
විස්තර ලෙස සිරි පතුල වදින්නේ
කන්ද කුමරු අණයට නැගිටින්නේ

නිතරම තුන් සරණේ අරගන්නේ
සත හට සැප දෙන නිවන් පතන්නේ
සිත තුටුකර සිරි පතුල වඳින්නේ
සතර වරන් දෙවි අණසක නැගිටින්නේ

සුද්ද ව කෙලෙසුන් නැති කර ගන්නේ
සොද සැප දෙන මොක් පතා වඳින්නේ
වැඳ සමනල දෙවිඳුට පින් දෙන්නේ
කතරගමේ දෙවි අණයට නැගිටින්නේ

පතිනි දෙවිඳු කොතන ද වැඩ ඉන්නේ
රතිනි අඳුන් ගිරි කුල වැඩ ඉන්නේ
පතිනි අණට ගිනි සළඹ දරන්නේ
සොකරි දෙනව හනිකට නැඟිටින්නේ