වගා භූමිය සකස් කරන ලබන කුඩා කාණු ඔස්සේ බෝගවලට ජලය සපයයි. කාණු වල පරතරය වගා කරන බෝගය පසෙහි ස්වභාවය හා පස සැකසීමේදි භාවිතා කරන උපකරණ අනුව වෙනස් වෙයි. මැටි පසක කාණුවල පරතරය වැඩිවිය යුතු අතර වැලි පසක එය අඩුවිය යුතුය. ක්ෂේත්‍ර බෝග සදහා සෙ.මි. 60 ක පමන පරතරයක්ද, එළවලූ සදහා සෙ.මි. 45 ක පමණ පරතරයක්ද, තැබීම සුදුසුය. රිජරය වැනි උපකරණ භාවිතය නිසා පරතරය වෙනස් කිරිමට අවශ්‍ය විය හැකිය. කාණු අතර පේලි වලට පැල සිටුවා ඇති නිසා කාණුවලින් ගලා යන ජලය ශාක මුල් තෙත් කිරිමට අදාල වෙයි. පැල එම ජලය අවශෝෂණය කර ගනියි. බෑවුම් සහිත බිම්වල කාණු සමෝච්ච ආකාරයට කළ යුතු අතර වැටි සහ කාණුවල වගා කරන බෝග සදහා මේ ක්‍රමය සුදුසුය.

කාණු ජල සම්පාදනය රැගි බිම්වල සහ වැලි සහිත බිම්වලට භාවිතය අපහසු වන අතර කාණුවල වැල්පැල වර්ධනය වීම අවාසිදායක වේ. බෝග රාශියකට භාවිතා කළ හැකි වීමත්, වාෂ්පීකරණයෙන් අපතේ යන ජලය අඩුවීමත්, බෑවුම් සහිත බිම්වලට වුවද යොදා ගත හැකි වීමත්, වාසි සහගත වේ.