කොහොඹා කංකාරියට අයත් නාට්‍යමය ලක්ෂණ ඇතුළත් යක්කම් පහ අතරින් විශේෂ ලක්ෂණ නයා යක්කමෙහි දක්නට ලැබේ. මෙහි නිරූපණය වන්නේ සම්මාදම් කර වී සපයා ගෙනවිත් කොටා සෝලිය ගුරු හෙවත් සෝලිය රජ්ජුරුවෝ නමැත්තාට දානයක් දෙන්න යන අතරමඟ දී නයෙකු විසින් දෂ්ට කරනු ලැබීම පිළිබඳ සිද්ධියකි. මෙහි පටන් ගැනීමෙහිදී එක් යක්දෙස්සෙක් ගුරුන්නාන්සේ සමග ඔබ මොබ ඇවිද, ඔවුන් අතර පහත දැක්වෙන අයුරේ සංවාදයක් ඇති වේ.

යක්දෙස්සා : මට මහ ලෙඩ, ගුරුන්නාන්සේ බඩ වැලගෙඩියක් වගේ. දණ ඉස්සරහට නැමෙනවා.
ගුරුන්නාන්සේ : දැන් ඕකට කරන්න දෙයක් තියෙනවා. සෝලිය රජ්ජුරුවන්ට දන් දෙන්න ඕනා.
යක්දෙස්සා : අපි නම් දන් දෙන්නේ හාමුදුරුවන්ට.
ගුරුන්නාන්සේ : ඔව් උඹ පන්සලේම නෙව හිටියේ.
යක්දෙස්සා : එහෙම නම් මේ දානේ කොහොමද දෙන්න ඕනා?
ගුරුන්නාන්සේ : සමාගම් කරලා මට වැඩේ වැරදිලයි තියෙන්නේ මට ඒක කරන්න නම් බැහැ. හොඳයි දානෙට මොනවද දෙන්නේ?
ගුරුන්නාන්සේ : වී, එළවළු එහෙම ඕනා.