මධ්‍ය කාලීන යුගය තුළ නිර්මාණය වූ නාට්‍ය සම්ප්‍රදායක් අතර කැපී පෙනෙන නාට්‍ය විශේෂයක් ලෙස වක්‍ර නාට්‍ය හැඳින්විය හැකිය. ලෝක නිර්මාණයේ සිට අවසාන නිශ්චය දක්වා වූ බයිබලයේ එන කරුණු නිරූපණය කෙරෙන කෙටි නාටක මාලාවක් මෙකී වක්‍ර නාට්‍යයන්ට ඇතුළු විය. ඒවා චක්‍ර නාට්‍ය යනුවෙන් හැඳින්වෙන්නේ එහෙයිනි. සියලුම වක්‍ර නාට්‍යයන්හි එතරම් කරුණු සමූහයක් ඇතුළත් නොවුණ නමුත් බොහෝ වක්‍ර නාට්‍යයන්හි දීර්ඝ කාලයක් තුළ සිදුවූ දේවල් ද, විවිධ සිද්ධීන් ද ඇතුළත් විය. වක්‍ර නාට්‍යයකට ඇතුළත් වන කෙටි නාට්‍ය අතර හේතුඵල සම්බන්ධය දක්නට ලැබුනේ ඉතා කලාතුරකිනි. මේවා නාට්‍ය රචනයේ තිබෙන කැමැත්ත නොවේ. එනම් මධ්‍යකාලීන චින්තනයට අනුව මනුෂ්‍ය ජීවිතය කෙරෙහි දේව කැමැත්ත මහත්සේ බලපවත්වන නිසාය.
ශ්‍රේණි නාටකය (Mystere)
ආගමික සාහිත්‍යයෙන් උපුටා ගැනුණු වස්තු විෂයන් වටා ගෙතුණු ශ්‍රේණි නාටකය හෙවත් මිස්ටරි නාටකය, මධ්‍ය කාලීන යුගයේ ප්‍රධාන නාට්‍ය වර්ගය ලෙස හැඳීන්විය හැකිය. ඉංග්‍රීසියෙන් මෙම නාට්‍ය වර්ගය හැඳින්වෙන්නේ, මිස්ටරි යනුවෙනි. මිස්ටරි යන්න වෙළඳ ශ්‍රේණි විසින් නිෂ්පාදනය කෙරුණු නාට්‍ය හැඳින්වීමට යෙදෙන්නට වුණි. දැනට මෙම ශ්‍රේණි නාට්‍ය ඉතිරි වී ඇත්තේ ඉංග්‍රීසියෙන් ලියවුණු ඒවාය. මධ්‍යකාලීන යුගයේ එංගලන්තයේ ශ්‍රේණි නාට්‍ය චක්‍ර නිෂ්පාදනය විය. (කෙටි නාට්‍ය මාලාවක්) මේවා ප්‍රධාන වශයෙන් කොටස් හතරකට බෙදිය හැකිය.
1. නාට්‍ය හතලිස් අටකින් සමන්විත යෝක් වක්‍රය.
2. නාට්‍ය තිස් දෙකක් සහිත වේක්ෆීල්ඩ් වක්‍රය. (මෙහි දහතුන් වෙන කොටස දෙවෙනි එඬේර නාටකය නමින් හඳුන්වයි)
3. ස්ථානය අනිශ්චිත නාට්‍ය හතලිස් දෙකක් ඇති වක්‍රය.
1. නාට්‍ය හතලිස් අටකින් සමන්විත යෝක් වක්‍රය.
2. නාට්‍ය තිස් දෙකක් සහිත වේක්ෆීල්ඩ් වක්‍රය. (මෙහි දහතුන් වෙන කොටස දෙවෙනි එඬේර නාටකය නමින් හඳුන්වයි)
3. ස්ථානය අනිශ්චිත නාට්‍ය හතලිස් දෙකක් ඇති වක්‍රය.
මෙම නාට්‍ය ක්‍රමයන්ට අමතරව මධ්‍ය කාලීන යුගයේ දී මිරැකල්, මොරැලිටි නමින් ද ප්‍රචලිත වූ නාට්‍ය සම්ප්‍රදායන් දෙකක් විය. මෙම නාට්‍ය වර්ග දෙක පිළිබඳව විස්තර "නාට්‍ය ප්‍රභේද" කොටසෙහි ඇතුළත් වේ.
ශිල්ප 64