වැසියෝ : සින්දුව

නිරිඳුනි දියනා
වෙනුය කරුණා
විසූ දූ පුතුන් හා
අප මේ උපන් බිම

හැර දා යන ලෙස අණ නො කරනු මැන
යොදවා නිසි විදි අප රැක ගනු මැන

මරණය යෙහෙකි
සිදු වුව යන්ටා
අප නෑ සීයන් හා
තැනූ ගේ දොරත් දා

වගු රට අදි රජිඳුන් හට දන්වා
රැක ගනු මැන අප බල ඇණි ගෙන්වා

යුවරජ : වචනය

මෙ බඳු දේකට වගු නිරිඳුන්ගේ බල ඇණිය ගෙන්වා ගැනීම නො මැනවි, වැසියනි. මේ රට හැර දා යාම මිස කළ යුතු අන් පිළියමක් නො දනිමි.

පොතේ ඉන්නිසය

දුටු සඳ මන බඳින රුවින් යුරු හිමි රම්බා
යළිදු බිය එලවන සේ සිංහ පිළිබිම්බා
තහවුරු කළ නමරුත දිය තුළ විකුමෙන්බා
රජුන් අබියෙසට එයි දැන් කුමරු සිංහබා