සාමාන්‍ය නාට්‍යයකදී ශිල්පීන්/නළු නිළියන් තෝරාගැනීම මුලින්ම සිදුවන්නකි. තෝරාගැනීම කොටස් දෙකක් ලෙස මෙහිදී හැඳින්විය හැකිය.

(*) ශිල්පීන් තෝරාගැනීම
(*) නළු නිළියන් තෝරාගැනීම

නිෂ්පාදකවරයා තෝරාගනු ලබන නිර්මාණය තෝරා එය නිෂ්පාදනය කිරීමට ඔහු මුලින් නළු නිළියන් හැර අනෙක් ශිල්පීන් තෝරාගත යුතුය. ඉන් අනතුරුව කළමණාකරු සමඟ එක් වී නිෂ්පාදනයේ වැඩකිරීම ඇරඹෙයි. අවශ්‍ය සැලසුම්පත් සැකසෙයි. දැන් පහත සඳහන් ශිල්පීන් තෝරාගැනීම සිදුවෙයි. යම් විටෙක නිෂ්පාදකවරයා ශිල්පීන් තෝරාගෙන සිටිය හැක. නමුත් ඔවුන් හමුවී සාකච්ඡා කොට නොමැත. දැන් මුල්ම කාර්ය එම සාකච්ඡාව කැඳවීමයි. සුදුසු ස්ථානයක් යොදා එම හමුව යොදා ගත හැක. පිටපත් සම්පූර්ණයෙන්ම සකසා පිළිවෙළට තිබීම ඉතා වැදගත්ය.