නුවණට වැඩි දෙයක්‌
කිසි තැනෙක නැති බව දැන
කරනු නැත් එය ලැබුමට
තමා බල ඇති පමණින

නුවණැතියන් සිටින
සබාවකට පැමිණි කල
නුවණ නැත්තෝ විළියෙන්
පසු බා සිටිත් කර බා

නුවණැත්තෝ එ ලෙස
නො සිටිත් කිසි සබාවෙක
රජුනටත් නෙ ලැබිය හැකි
ගරු බුහුමන් ලබත් මැ යි

හොඳ නරක දැනුමෙක්‌
නො ලැබේ නුවණ නැත හොත්
එ හෙයින් හොඳ ය සලකා
කරන දෙය ද නොහොඳ වේ

පෙර නුවණ ලැබූ අය
ලියා තුබුවෝ පත් පොත්
අප නුවණ වැඩි කැරුමෙට
මහත් පිහිටෙකි ඒ දැන්

ඒ පත - පොතින් වැඩ
ගැනුමට නම් මෙ කල්හි
සිහි-නුවණින් යෙදී සිට
අකුර සතර උගත යුතු