ළමයා : මොනවද මුත්තේ! මොකද කරන්නේ
මොකටද උඹ ඔය බිම හාරන්නේ
මහල්ලා : උඹටත් ළමයෝ නො පෙනෙති නො සිතමි
අඹ ඇටයක්‌ සිටුවන්නට හාරමි
ළමයා : දුකසේ සිටුවා අඹ ඇටයක්‌ අද
එක අඹයක්‌ වත් කන්ට ලැබේවිද
මහල්ලා : මම ළමයෝ මින් අඹයක්‌ නො පතමි
යුතුකම පමණක්‌ ඉටු කොට තබනෙමි
ළමයා : තමන්ට නො ලැබෙන දෙයකින් ලෝකෙට
කරන්ට හැකි දේ නො ම තේරේ මට
මහල්ලා : පුදුමයි ළමයෝ උඹෙ ඔය අදහස
හැදුනොත් ඔහොමට උඹට ම වෙයි දොස
පෙර උන් අය සිටවූ අඹ ගස්‌ වල
පලයෙන් අපි කවුරුත් ලබනමු පල
අපෙන් පසු ව එන අයටත් පල එම
ලැබෙන්ට සැලසුම අපගේ යුතුකම
ළමයා : මේ යුතුකම හොඳ හැටි දැන ගත්තෙමි
ආයුබොවන් මුත්තේ ! මම යන්නෙමි
ශිල්ප 64