මෙයත් චාරිත්‍රයකි
පසුදා උදෑසන නව යුවළ මධුසමය ගත කළ කාමරය වෙත මනාල මහතාගේ මව සහ රජක කුල ස්‌ත්‍රිය ද කැටුව පැමිණීම සිරිතයි. මංගල පෝරුවේ දී මනාලියගේ ඉන වටා දැවටූ සුදු පිරුවටය මධු සමයේ දී සිය චරිත ශුද්ධිය ඔප්පු කිරීම සඳහා භාවිතා කල යුතුය. එම පිරුවටය පසුදා උදෑසන පරික්‌ෂා කර බැලීම මනාලයාගේ මෑණියන් විසින් සිදුකරණ අතර චරිතය කර බැලීම මනාලයාගේ මෑණියන් විසින් සිදුකරණ අතර චරිතය පිළිබඳ ඇය සතුටට පත්වේනම් රෙද්ද කොනක යම්කිසි මුදලක්‌ ගැටගැසීම සිරිතය.
දෙවෙනි ගමන
විවිධ ප්‍රදේශවල ඉටු කරන විලාසයේ යම් යම් වෙනස්‌කම් දැකිය හැක. දෙවන ගමන - මහ ගමන - ලෙස මෙම චාරිත්‍රය හදුන්වති. විවාහයෙන් පසුව, මනාලියගේ දෙමාපියන් නෑදෑ හිතවතුන් මනමාලයාගේ නිවසට පැමිණීම මෙහිදී සිදු කරයි. කැවුම් කද මූලිකව තවත් බොහෝ දෑ මනාලියගේ නිවසට රැගෙන ඒම සහ ලුනු පොල්කට්‌ටේ සිට මුළුතැන්ගෙට අවශ්‍ය බොහෝ දේ කද බැඳගෙන පැමිණීම විශේෂත්වයකි. දෙවන ගමන ඉසදිය යනුවෙන් ද හදුන්වති. එහෙත් ඉසදිය යනු මෙහිදී ඉටු කරන තවත් චාරිත්‍රයකි. මධුසමයට පසු දින මනමාලයාගේ මව මනාලියගේ චරිත ශුද්ධිය පරික්‌ෂා කිරීමෙන් අනතුරුව මෙම චාරිත්‍රය ඉටුකරනු ලබයි.
මදක්‌ උස කොහොඹ ලෑල්ලක්‌ මත මනාලිය නංවා රෙදිවලින් ආවරණය කර, නැවුම් කලයකින් මනාලිය නැහැවීම සිදු කරයි. මෙම චාරිත්‍ර ඉටු කිරීමේ දී මනාලියගේ පාර්ශවයට ඇතිවන්නේ විස්‌තර කළ නොහැකි තරම් චිත්ත ප්‍රීතියකි. තම දියණිය චරිතවත් දියණියක්‌ බව දියණියගේ නැන්දම්මා ප්‍රසිද්ධියේ කරන ප්‍රකාශයක්‌ ලෙස මෙම සංකේතය හැඳින්විය හැක.
අනතුරුව නව යුවළ මනාලෙස සැරසී බුලත් හෙප්පුවක්‌ ද අතැතිව ඥාතින් ඉදිරියට පැමිණීම සිදු කරති.
මෙහිදී දියණිය වෙනුවෙන් ලබාදෙන තෑගිබෝග දෑවැදි ආදිය පිරිනැමීම ද සිදු කරති. අනතුරුව දෙපාර්ශවයේ සුභ පැතුම්, ආශිර්වාද, අවවාද, අනුශාසනා මැද නව යුවළ මනාලියගේ දෙමාපියන්ගේ දෙපා වැඳ සමුගැනීම සිරිතයි.
ශිල්ප 64