කදුකරයේ විශේෂයෙන්ම නුවරඑළිය දිස්‌ත්‍රික්‌කයේ කැලෑවල වැවෙන පදුරු විශේෂයකි.

අඩි 6-10 අතර උසට වැවේ. ශාඛා සිහින්ය. පත්‍ර සරලය. සෙ.මී. 4 පමණ දිගැතිය. පොත්ත ලා අළු පැහැතිය. මල් ඉතාමත් කුඩාය. කහ පැහැතිය. කලාතුරකින් ඒ නිල් හා රතු මිශ්‍ර පැහැයක්‌ ගනී. ගෙඩි දිගින් අඟල් ½ පමණ වේ. ඒ තුළ ඇත්තේ බීජ දෙකක්‌ පමණී.

දාරුහරිද්‍රා වෙනුවට බොහෝ අය වෙනිවැල්ගැට පාවිච්චි කිරීමට පුරුදුව ඇත. වෙනිවැල්ගැටවල උද්භිද විද්‍යා නාමය වනුයේ Coscinium fenestratum ය. දාරුහරිද්‍රා යනු Berberis aristataනම් ශාකයයි. වෙනිවැල්ගැටවල තැනින් තැන ගැට ඉතා හොඳින් දෘශ්‍යමාන වේ. අතීතයේ, ඈත පිටිසර විසූ ගැමියන් තම ගවයන් බැඳ දැමීම පිණිස බාන්වැල් නමින් පාවිච්චි කර ඇත්තේ මෙම වෙනිවැල්ගැට ශාකයයි. කෙසේ වුවත්, දාරුහරිද්‍රා යනු වෙනිවැල්ගැට නොවන වග නම් පැවැසිය යුතුව ඇත. දාරුහරිද්‍රා වලට ගැලපෙන සිංහල නමක්‌ නොමැතිකම විශාල අඩුවකි.

රසදුන්, බිං කොහොඹ, වනපැල, කලාදුරු, වියළි බෙලිගැට මද, සෙන් කොට්‌ටන් සියල්ල සමව ගෙන (අවුන්ස 2 බැගින්) ජලය අවුන්ස 32 ක්‌ හා මුසුකර මඳගින්නේ ¼ කට සිඳවා මී පැණි සමඟ බීමට දීම.