බිම දිගේ ඇදී යන වැල් විශේෂයකි. මුල් ඉතා සිහින් ය. කෙදි සහිතය. සෙ.මී.10-12 දිගය. සිලින්ඩරාකාරය. මඳක්‌ බොර පැහැතිය. කඳ දිගින් අඩි 2 ½ වෙයි. පත්‍ර උල් සහිතය. ඒවා ජෝඩු 5 හෝ 6 වශයෙන් පවතී. මල් පිහිටා ඇත්තේ කෙටි නටුවක්‌ මතය. ඒ පෙති පහකින් සමන්විත වේ. කහ පැහැතිය. තුඩවල් 5 කින් යුක්‌ත වන ගෙඩි ඉතා කුඩාය. තෙල් සහිතය. ජීව කෝෂය ශක්‌තිමත්ය.

ගොකටු මුල් චූර්ණයට සමානව තල ඇට ගෙන හොඳින් අඹරා ඒ මතට මීපැණි ඩ්‍රෑම් 3 ක්‌ ද බැටළු කිරි අවුන්ස 4 ක්‌ ද දමා හොඳ හැටි මිශ්‍රකර දිනකට දෙවරක්‌ බැගින් දින 7 ක්‌ නොකඩවා පාවිච්චි කිරීමෙන් විශිෂ්ට ප්‍රතිඵල ලබා ගත හැකිය.
ගොකටු ගෙඩි අවුන්ස 3ක්‌ හොඳින් අඹරා යඑට ජලය අවුන්ස 30ක්‌ දමා මදගින්නේ ¼ ට සිඳවා අවුන්ස 4 බැගින් දිනකට දෙවරක්‌ යවක්‍ෂාර ලුණු සුළු ප්‍රමාණයක්‌ සමඟ බීමට දෙන්න.