ස්‌වභාවික ලක්‌ෂණ :-
අඩි 4 ½ ක්‌ පමණ උසට වැඩේ. පත්‍ර හෙල්ලයක හැඩය ගනී. දාරය කඩතොලු රහිතය, හෙවත් සරලව පිහිටා ඇත. මල් කිහිපයක්‌ එකට බද්ධව පවතී. ද්විලිංගිකය. පෙති කොළ පැහැති මුත් දම් පාට තිත් දක්‌නට ලැබේ.

වෙනත් විස්‌තර :-
උතුරු හා නැගෙනහිර පළාත්වල ඉබේ වැවෙන දේශීය බිම් කොහොඹ කුලයට අයත් Maliaceae කුලයට අයත් Muntonia Pumila Wight නම් උද්භිද විද්‍යා නාමයෙන් හැඳින්වෙන පැළෑටිය බැව් සැලැකුව මනාය.

ඖෂධ සඳහා යෙදිය හැකි අංග :-  පංචාංගයම

සුවකළ හැකි රෝග :-
උණ, අජීර්ණ, අසීස්‌, රත්පිත්, කාස, චර්මරෝග.

අතීසාරය :-
දියමිත්ත, කෙළිද, බිම් කොහොඹ, කලාදුරු අල, වියළි ඉඟුරු (සාමාන්‍ය කසායක්‌ සාදා ගන්නා ආකාරයට සිඳවා පානය කිරීම මැනවි)

උණට සහ උණ සහිත අතීසාරය :-
බිම් කොහොඹ, දියමිත්ත, පැපිලිය, රසකිඳ, කළාදුරු අල, වියළි ඉඟුරු කසාය කර බීම.