ස්‌වභාවික ලක්‌ෂණ :-
අළු පැහැති පොත්ත සිනිදුය. ශාඛා ඒකාකාරි හැඩයක්‌ ගනී. සෑම දිශාවකටම පැතිර පවතී. පත්‍ර විශාලය. අසමසමය. එකකට එකක්‌ විරුද්ධ පසට පිහිටයි. අඟල් 4 ½ පමණ දිගය. ත්‍රිකෝණාකාරය. මල් තරමක්‌ විශාලය. ඒවා ලොඛ පැහැයට හුරු රෝස පැ#තිය. ද්විලිංගිකය. සුදු මිශ්‍ර දම් පැහැති දුඹුරුවන් මනිපත්‍ර දැකුම්කළුය. නටුව දිගැතිය. කරල් හටගනී. දිගින් හා පළලින් සෙ.මී. 5භ3 පමණ වෙයි. එම කරල් මේරූ පසු පුපුරා යයි. අභ්‍යන්තරයේ ඇත්තේ වටකුරු එක බීජයකි. ඒ දිළිසෙයි. අළු පැහැතිය.

ඖෂධ සඳහා යෙදිය හැකි අංග :-       මල්, පොතු, ඇට, කොළ.

සුවකළ හැකි රෝග  :-
අග්නිමාන්දය, අතීසාරය, කෘමි, සමාජරෝග, දියවැඩියාව, ආමවාත, හමේ රෝග, දන්ත රෝග, ගුල්ම, අර්සස්‌, උදාවර්ත.

අතීසාරයට කසායක්‌ :-
කරඳ පොතු, මදටිය මුල්, මාදම්පොතු, දෙළුම් ලෙලි, වැල් මදට, බෙලිමුලේ පොතු, කළාදුරු අල, අත්තික්‌කා ගෙඩි, ගැටපොල්මල්, කෙසෙල් මූහ.

සියල්ලෙන් අවුන්ස 2 බැගින් ගෙන ජලය අවුන්ස 32 ක්‌ දමා ¼ ට මඳගින්නේ සිඳවා දවසකට 3 වරක්‌ බීමට දෙන්න.