ස්‌වභාවික ලක්‌ෂණ :-

          වර්ෂයක පමණ කාලයක්‌ නොමැරී පවත්නා වැල් විශේෂයකි. කඳ වටකුරුය. වැඩුණු වැලක කඳෙහි විෂ්කම්භය අඟල් 1 හො 1 ½ පමණ වෙයි. අඩි 20-80 දක්‌වා දිගට වැවේ. සිහින් කෙඳි සහිත මෙම කඳෙන් බෙදී පවතින ශාඛා වල විෂ්කම්භය ද ප්‍රධාන කඳේ විෂ්කම්භයට සමානය. ඒවායේ කෙඳි (රෝම) පවතී. ඝල් තරමක්‌ විශාලය. කහ ලැහැතිය. වැඩුණු ඵල අඟල් 12-18 දිගැතිය. පළල අඟල් 8-10 අතර වේ. පහළ මුහුණත මොටය. ලපටි අවස්‌ථාවේ රෝම වලින් ඒ ගැවසී පවතී. ළපටි ඵලවල මෙන්ම පැසුණු විට ද පොත්ත වටා අලු වර්ගයක්‌ දක්‌නට ලැබේ. මදයට ඇලී පවතින (අධික සංඛ්‍යාවකින් සමන්විත වූ) බීජවල හැඩය දෙපසම උල් සහිතය.

ඖෂධ සඳහා යෙදිය හැකි අංග :- ගෙඩි, බීජ, කඳ.

ගුණය :- ලේ කැටි ගැසීමේහි ගුණය, මැලේරියා මර්ධනයට හිතකරය, සිසිල් කාරකය.

සුව කළ හැකි රෝග :- ලේ වමනය, ක්‍ෂය රෝගය, අපස්‌මාරය, නාඩිගත ව්‍යාධි, ආහාර විෂ වීමෙන් ඇතිවන උපද්‍රවයයන්.

වෙනත් රෝගී අවස්‌ථාවකට යෙදිය හැකි පිළියම් :-

1. ආහාර විෂ වූ අවස්‌ථාවක පුහුල් යුෂ බීමට දීම.
2. ආහාර විෂ වූ අවස්‌ථාවක පුහුල් වැලේ කඳ කැබලි වලට කපා කසාය කර පානය කරවීම.

නිෂ්පාදිත ඔසු :-

1. කුෂ්මාණ්‌ඩ සෘතය
2. ඛණ්‌ඩ කුෂ්මාණ්‌ඩය
3. කුෂ්මාණ්‌ඩ රසායනය.