IMAGE

වැවෙන ස්‌ථාන :- ශ්‍රී ලංකාවේ සෑම පළාතකම වගා කළ හැකි ශාකයකි.

 

        අඟල් 36 (සෙ.මී.90) පමණ උස, වසර කිහිපයක්‌ ජීවය රඳා පවත්නා ශාකයකි. සෘජුව වැවේ. සරල වූ පත්‍රයක දිග සෙ.මී. 6ක්‌ පමණ වෙයි. පළල ඉතාම ආසන්න වශයෙන් අඟල් 2 (සෙ.මී. 5) පමණ වෙයි. පත්‍ර පිහිටන්නේ එකිනෙකට විරුද්ධවය. ෂිහින් කෙඳි දක්‌නට හැකිය. මසින් පිරුණු පත්‍රවලින් සිත් ගන්නා සුළු සුගන්ධයක්‌ විහිදේ. හැඩයෙන් අණ්‌ඩාකාරය. මල් පිහිටන්නේ කිනිති වශයෙනි. ඉතා කුඩා එම පුෂ්පයෝ 8-10 අතර එක කිනිත්තක දක්‌නට හැකිය. නිලට හුරු සුදු පැහැයක්‌ ගනී. පිහිටන්නේ ශාඛා කෙළවරෙහිය. තෙල් සහිත බීජ බොර පැහැයෙන් යුක්‌තය.

ඖෂධ සඳහා යෙදිය හැකි අංග :- පංචාංගයම.

සුවකළ හැකි රෝග :- අජීර්ණ, බඩ පිපුම, අතීසාරය.

උණ සහිත අතීසාරයට :- කලාදුරු අල. සුදුහදුන්, ඉරිවේරිය, රසකිඳ, මීමල්, ඉරමුසු කසායකර මී පැණි සමඟ දවසට දෙවරක්‌.

      ඉරිවේරිය, ඉඟුරු, කලාදුරු අල කලං 4 බැගින් වතුර කෝප්ප අටකට මුසුකර කෝප්ප 1 කට සිදුවා උදේ / සවස බීමට දීම.

       ඉරිවේරිය, කලාදුරු අල, බෙලිමද, අතිවිඩයන්, කෙලිදහාල් ක්‍රමාණුකුලව කසායකර (අවස්‌ථාවට උචිත පරිදි 'මලිත මල්' ද මුසුකර) දවසට දෙවරක්‌ පාවිච්චි කිරීම යහපත්ය.

1. ඉරිවේරිය භස්‌ම
2. ඉරිවේරිය සිරප්
3. ඉරිවේරිය ස්‌වරසය.