පර්යාය නාමය	Zingiber Majus
කුලය	Zingiberaceae
සිංහල නාමය	අමු ඉඟුරු සිඬිගුරු	Amu Inguru (Fresh) Siddiguru (Dried)
සංස්‌කෘත නාමය	සුන්ටි අද්‍රක	Sunti / Adraka(D)
දෙමළ නාමය	අදුක	Aduka
ඉංග්‍රීසි නාමය	ජින්ජර්	Ginjer
හින්දි නාමය	සොන්ත් / අධාර්ක (වියළි) (අමු)	Sonth (Dried) Adharka (F)
බෙංගාලි නාමය	(වියළි) (අමු)
තෙලඟු නාමය	වියළි / අල්ලාම්	Allam

වැවෙන ස්‌ථාන :-  දිවයිනේ උෂ්ණාධික පළාත්හි වැවෙන්නකි. ගෘහස්‌ථව වවනු ලබන්නේ අලවල ඇති විවිධ වටිනාකම් නිසාය.

ස්‌වභාවික ලක්‌ෂණ : 

 අල සහිත පැළෑටියකි. පළමු වසරේ පැළෑටිය ක්‍රමාණුකුලව වැඩේ. දෙවන වසරේ මල් හට ගනී. වර්ෂාවසානයේ ඵල දරා පොකුරු සහිත අල එරේ. ඉන්පසු පැළෑටිය මැරේ. කඳ ඇලව හෝ සෘජුව පිහිටයි. සාමාන්‍යයෙන් අඩි 3 ½ (සෙ.මී.105) පමණ උසට වැඩේ. ඉතා කෙටි නටුවක්‌ සහිත පත්‍ර දිගය. මෙම කුලයට අයත් වෙනත් ශාකයන්හි පවතින මල්වලට වඩා ඉඟුරු පුෂ්පයෝ කුඩාවට පිහිටයි.

ඖෂධ සඳහා යෙදිය හැකි අංග : අල හෝ මල්.

ගුණ : ගින්න ඇති කරයි. නාඩිගත රෝග දුරු කරයි. ශරීර ශක්‌තිය වර්ධනය කරයි.

සුව කළ හැකි රෝග :  අග්නිමාන්ද්‍ය, අතීසාරය, උදර ශුල, වමනය, සෙම්රෝග, අර්ශස්‌, ආමවාත, ශීතෝදය, උදරයේ ඉදිමුම, කාස, පීනස, ගැස්‌ම, ජවර.

කල් නොගිය අතීසාරයට : කොත්තමල්ලි, සිඬිගුර, ඉරිවේරිය, කලාදුරු අල, බෙලිගැට මද, එක සමානව ගෙන කසාය කර බීමෙන් යහපත් ප්‍රතිඵල ලද හැකිය.

දරුණු හිසරදයට : අමු ඉඟුරු යුෂට සමාන වන පරිදි එළකිරි රැගෙන දෙවර්ගය ඉතා හොඳින් කලතා ස්‌වල්පය බැගින් නාසයෙන් ඉරීමට දීමෙන් ගුණ ලැබේ.

කර්ණ ශුලයට : අමු ඉඟුරු යුෂ, මී පැණි, සහිඳ ලුණු, තලතෙල් සමව ගෙන සියල්ල හොදහැටි කලතා ස්‌වල්පය බැගින් කනට දැමීම.

නිෂ්පාදිත ඔසු :

1. නාගරාදි චූර්ණය
2. සෛභාග්‍ය ශුණ්‌ඩි (ධී)
3. නාගරාදි අර්කය