නිල් මානෙල් මල් පිපුණා - නෙත් සැදුණා ඒ අනුගාමී
 නළල ඇගේ අඩ සඳ වාගේ - මිහිර නොවෙද හදවත කාගේ
 
 මුතු ඇටවන් දත් පෙළ සුදිලේ - හිනා නැඟේ දත්වල කැල්මේ
 ඇයගේ දෙපා ළග මහද තැවේ - එපමණි මා ලද එකම සුවේ
 
 දිගින් දිගට කාලය ගෙවුණා - මල් වැටුණා මංගල උයනේ
 ලස්‌සන කෝ කොයි අතද ගියේ - තනිවිය මා තරු ගිළුණු රැයේ
 
 සතුට සැපත නැතිවී - කඳුළු උනා මල්බර ජීවේ
 තනිකම මා ගත පැතිර තැවේ - වීණා සත්සර මිහිර බිඳේ
 
 පිසදාලා තනිකම ලෝකේ - මුව නැහැවූ සුගතිය ජලයේ
 බුදුහිමි මා ඔබ අනුව ලොවේ - පතනට එන්නෙමි රැයද දෙවේ