රටේ කෘෂිකර්මාන්තයට අවශ්‍ය පහසුකම් සැපයීම එකල රජවරුන්ගේ ප්‍රධාන වගකීමක් විය. අනුරාධපුර යුගයේ මුල්ම පාලකයා ලෙස සැලකෙන පණ්ඩුකභය රජතූමා විසින් ගාමිණී වැව ජය වැව හා අභය වැව වශයෙන් වැව් 3 ක්ද දේවානම් පියතිස්ස රජතූමා තිසා වැව ද , වසභ රජු වැව් 11 ක්ද ඇළහැර ඇළ ද , කර වූ බව මහා වංශයේ සඳහන් වේ.

වසභ රජු කර වූ වැව් අතර , මහවිලච්චිය , මානාකැටිය , නොච්චිපොතාන , හා හිරිවඩුන්න වැව් දැනට හඳුනාගෙන ඇත. මහසෙන් රජු වැව් 16 ක් ද ඇළහැර ඇළ ද කල බව සඳහන් වේ. මින්නේරි වැව , මාගල්ල වැව වැනි මහා වැව් ද පබ්බතන්ත ඇළද මේ අතර ප්‍රසිද්ධය මහසෙන් රජු පසුකාලීනව මින්නේරි දෙවියෝ යන නමින් හැඳින්වීම ජනතාව එතූමා දේවත්වයෙහි ලා පිදූ බවට සාක්ෂියකි.