සමාජයේ දුර්වලකම උපහාස රසයට ලක්‌කරමින් රචනා කරන ලද මේ කවි පෙළ විදෙශයට යටත්ව සිටි සිංහල ජාතියේ තත්ත්වය අනාවරණය කරයි. කවියා ඇඟට නොදැනී ගසන පහර කෙතරම් වේගවත්දැයි බලන්න.
ලගදී ඔය පලාතෙන් බැල්ම ලා මේ රටේහී
උපදින අය ඇත්නම් කාරියක්‌ ම් කියන්නම්
කලදී අපට කිව්වේ නෑ කියා ඊට පස්‌සේ
වැරදි කියනවාටයි කල්තියා මේ කියන්නේ
රට බොහො ම අසාරයි ඉන්නවුන්ගෙන් විකාරයි
පිට ඔපයට සූරයි කම්මැලියි බාරදූරයි
අට පහ නොම තේරෙයි වල් සිරිත් පාර බේරයි
පිට රටට වදාරයි කාපු දේවත් වමාරයි
ගත සිත නැත උස්‌සා ආදි ඇත්තේ විලස්‌සා
එයිනි නොරට වැස්‌සා ගෙන් හිඟා කෑම රිස්‌සා
පුටුව පිටම රස්‌සා වෙන්ට නම් සී පරිස්‌සා
විය යුතුය සුදුස්‌සා වී මෙහේ එන්ට ලිස්‌සා
උගත යුතුය ඉංග්‍රිස්‌ ඒ නමුත් පොඩ්ඩකින් බෑ
එහෙම ඉගෙන ගන්නටත් කාලයක්‌ ලේසියත් නෑ
එයිනි ඔය රටේ බී.ඒ. වලින්වත් සමත් වී
පැමිණිය යුතු බැව් ඕනෑ කමින් දන්නවනම්
සිහල බස කමක්‌ නෑ ඒ උගැන්මෙන් පලක්‌ නෑ
ඉහළ ගිය කෙනෙක්‌ නෑ ඉන් සකුත් පාලිකම් නෑ
අහලක උගතෙක්‌ නැත්නම් කොහේවත් ගොහිල්ලා
දෙමල බස ටිකක්‌ වත් පාඩුවක්‌ නෑ උගත්තොත්
සිහල සිරිත දැන් නම් තුට්‌ටුවක්‌ නෑ වටින්නේ
නැටුම සහ පියානා සර්පිනා තාල ඕනෑ
මෙහි එන හෙටනිද්දා ගෑනු ඇත්නම් ඔහේ දී
වැඩිය හොඳට මේවායේ සමත්වෙන්ට ඕනෑ
කොයික වැරදුනත් මේ නම් වරද්දන්ට එපා
කළුහම ලැබුනෝතින් වෙන්නෙ ඔක්‌කෝම පාඩුයි
ඔළුගෙඩි බිම ගස්‌සා කාගෙනුත් ගන්ට පූජා
හම සුදුවට නැත්නම් සායමක්‌වත් ගෙනෙල්ලා
බොරලැස්‌ගමුවේ ජී.එච්. පෙරේරා
විමසීම හා රස විදීම
1. සමාජයේ පිළිගත් ඇතැම් මති මතාන්තර උපහාසයට ලක්‌කළ පරිදි සොයා බලන්න
2. ඔහු පරලොවට පණිවුඩයක්‌ යවන්නේ ඇයි?
3. සවභාෂාව හා ඉංග්‍රිසිය අතර පවත්නා තත්ත්වය කුමක්‌ ද?
4. විදෙශිය සිරිත් විරිත් ගැන්මට සිංහලයන් දැක්‌වූ ආශාව කෙබදු ද?
ශිල්ප 64