රසදිය කඳේ උස සහ වායුගෝලීය පීඩනය අතර සම්බන්ධතාව පහත දැක්වෙන පරිදි ලබා ගත හැකි ය. A ලක්‍ෂ්‍යය පවතින්නේ සිරස් නළය තුළ නිසා එම ලක්‍ෂ්‍යයේ පීඩනය ඊට ඉහළින් ඇති රසදිය කඳේ බර මගින් ඇති කරන පීඩනයයි. ඒ අනුව කඳේ උස h ද, රසදියවල ඝනත්වය d ද, A හි දී PA = h d g පීඩනය වෙයි.

B ලක්‍ෂ්‍යය වායුගෝලයට නිරාවරණය වී ඇති නිසා එහි දී P_B = P_O පීඩනය මෙහි P_O යනු වායුගෝලීය පීඩනය වේ.

නිදහස් තරලයක සම මට්ටමේ පීඩන සමාන නිසා, P_A = P_B
ඒ නිසා P_o = h d g

වායුගෝලීය පීඩනය රසදිය මිලිමීටර්වලින් ප්‍රකාශ කරන්නේ නම් රසදිය කඳේ උස h මැනීම ප්‍රමාණවත් වේ. වායුගෝල 1ක පීඩනය යනු 760 mm ක් උස රසදිය කඳක් මගින් ඇති කරන පීඩනයයි. එම අගය පැස්කල්වලින් පහත දැක්වෙන පරිදි ගණනය කළ හැකි ය.