* තියඩොලයිට්ටුව මැනුම් ස්ථානය මත ස්ථානගත කර මට්ටම් කරන්න.

* උපකරණයේ යටි තහඩුව සහ උඩු තහඩුව ලිහිල් කරන්න. ඉන් පසු උඩු තහඩුව කරකැවීම මඟින් උපකරණයේ තිරස් කෝණය 00⁰ 00’ 00” ලෙස සලකන්න. ඉන් පසු උඩු තහඩුව තද කරන්න.

* යටි තහඩුව කරකැවීම මඟින් දුරේක්ෂය උතුරු දිශාව දෙසට යොමු කරන්න. මෙවිට උතුරු දිශාව එල්ලේ උපකරණයේ තිරස් කෝණය 00⁰ 00’ 00” ලෙස සකස් වී ඇත. මෙම සැකැස්ම මගින් සියලු දත්ත සඳහා දිගංශ මැනිය හැකි ය.

* ඉන්පසු උඩු තහඩුව ලිහිල් කර දත්තවල පිහිටුවා ඇති පෙළ ගැන්වුම් දණ්ඩ දෙසට දුරේක්ෂය යොමු කරන්න. මෙහි දී දුරේක්ෂය ඒ දෙසට දළ වශයෙන් යොමු කර උඩු තහඩුව තද කරන්න. 
පසුව උඩු තහඩුවට සම්බන්ධ ස්පර්ශක ඉස්කුරුප්පුව කරකැවීම මඟින් නිශ්චිත ව ම දුරේක්ෂ දණ්ඩ දෙසට යොමු කරන්න.

මෙවිට මැනුම් ස්ථානයේ සිට පළමු දත්ත ස්ථානය දක්වා දිගංශය කියවිය හැකි ය. අදාළ කෝණය කියවා සටහන් කර ගැනීමෙන් පසු (28⁰ 14’) මැනුම් ස්ථානයේ සිට අදාළ දත්තයට ඇති තිරස් දුර ද (12.4 m) මැන ගන්න.