බිම් මැනුමේ දී විශේෂිත මාලිමාවක් එනම් ප්‍රිස්ම මාලමාවක් යොදා ගැනේ. මාලිමාවක ඇති ප්‍රධානතම ලක්ෂණය නම් එය මට්ටම් කළ විට එහි ඇති ඉඳිකටු තුඩ සෑම විට ම චුම්බක උතුර දෙසට හැරී පිහිටීමයි. මෙම විශේෂ මාලිමාව මත පරිමාණ තැටිය 00⁰ සිට 360⁰ දක්වා කොටස් 360කට බෙදා ඇත. මෙමගින් දළ වශයෙන් කලා 15ක් දක්වා මිනුම් ගත හැකි ය.
මෙම විශේෂ මාලිමාව තෙපාවක් මත රැඳවිය හැකි ය. එනිසා එය යම් මැනුම් ස්ථානයක් මත නිවැරදි ව සවි කළ හැකි ය. එමෙන් ම උපකරණය මට්ටම් කිරීමෙන් පසු එහි තුඩ උතුරු දිශාවට ඉබේ ම හැරෙන බැවින් ඉන් පසු යම් රේඛාවක දිගංශය මෙමගින් කියවිය හැකි ය.