පිරිසිදු ඇඳුමක් ඇඳ පිළිවෙලකට යන්න. පිරිමි පාර්ශවය උඩුකයට සුදු ඇඳුමක් ඇඳීම අනිවාර්යය වේ.
අනවශ්‍ය ලෙස බය වෙන්න වත් කලබල නොවන්න. තමන් පිළිබඳ විශ්වාසයක් තබාගන්න.
මෝටර් රථ පරීක්ෂකවරයා සමග වාහනයට නැගුනු පසුව, සිහි නුවණින් හැසිරෙන්න.
ගමන ඇරඹීමේදී පළමුව රියදුරු අසුන ඔබට සරිලන පරිදි සකසා ගන්න. ආසන පටි, සිග්නල්, හෑන්ඩ් බ්‍රේක් ආදිය ගැන සැලකිලිමත් වෙන්න.
මාර්ග ධාවනයේදී සෑම විටම පසුකර යන මාර්ග සංඥා පිළිබඳව හොඳින් මතක තබාගන්න. ඇතැම් විටක පරීකෂකවරයා පසුවුණු මාර්ග සංඥා පිළිබඳව විමසීමට ඉඩ ඇත.
එමෙන්ම , වාහන සඳහා අදාල වේග සීමා පිලිබඳව ඉතා හොඳ මතකයක් තබාගන්න. තමන් පදවන වාහනය එයට අදාල වේග සීමාවේ තබා ගැනීමට කටයුතු කරන්න.
මාර්ග ධාවනයේදී ක්ලච්, ගෑස් පැඩල මත පය තබාගතයුතු නියම ක්‍රමය අනුගමනය කරන්න .මෙය ඉතා වැදගත්ය.
පරීක්ෂක වරයා යම් ස්ථානයකදී ඔබට වාහනය නතර කිරීමට පවසනු ඇත. මෙහිදී ඉතා හොඳින් සැලකිලිමත් විය යුතුයි.
අතුරු මාර්ග, ගේට්‍ටු අවහිර නොවන පරිදිත්, ද්විත්ව රේඛා,තනි රේඛා, කහ ඉරි, පාලම් ,මංසන්දි වැනි වාහන නැවැත්වීම සීමාකර ඇති ස්ථානවල නැවැත්වීම නොකරන්න.
ඔබ අතින් සිදුවන එක වරදකින් ඔබට රිය බලපත්‍රය නොලැබීමට ඇත.
වාහනය නැවැත්වීමේදී තිරිංග පාගා එන්ජිම නතරවීමට ආසන්නවිට ක්ලච් පැඩලය පාගන්න. අනතුරුව ගියරය නිවුට්‍රල් කරන්න.
ඉන්පසු හෑන්ඩ්බ්‍රේක් ඇද එන්ජිම නතර කරන්න.
සෑම විටම වාහනය නවත්වා ඉන් ඉවත් වීමේදී ගියරය නිව්ට්‍රල් කර ඉවත් වන්න. නැතිනම් වාහනය ගැස්සී නතරවනු ඇති.එය ඔබගේ ලකුණු කැපීයාමට හේතුවකි. ගියරය නිව්ට්‍රල් දැයි සැක සහිතනම් ක්ලචය පාගාගෙන සිටියදීම හෑන්ඩ්බ්‍රේක් ඇද ඉන්පසු යතුර කරකවා එන්ජිම නවත්වන්න.
අනතුරුව පළමු ගියරයකට දමා ආරක්‍ෂිත කරන්න.
ඔබ පදවන්නේ ත්‍රීරෝද රථයක් නම් වාහනය නැවැත්වීමේදීත් ඊට ඇතුළු වීමේදීත් සෑම විටම වම් පැත්තෙන් එය සිදුකරන්න.
වර්ථමානයේ භාවිතයේ නැතත් ඇතැම් පරීක්ෂකවරුන් විසින් විමසන නිසා, හස්ත සංඥා පිළිබඳවද යම්තාක් දුරකට අවබෝධයක් තබාගන්න.
අවසාන වශයෙන් පරීක්ෂකවරයා ඔබට කුමන ප්‍රතිඵලයක් ලබාදුන්නද එය බාර ගන්න. අවශ්‍ය නම් ඔබට පසුව අභියාචනයක් ඉදිරිපත් කළහැක.
ශිල්ප 64