මූර්ධජ "ළ" කාරයෙන් පටන් ගන්නා වචන කීපයකි මේ.

මූර්ධජ "ළ" කාරය කිසි විටෙකත් හල් ව නොයෙදේ. එබඳු තැන්හි "ල" යෙදේ. මූර්ධජ "ළ" කාරය දෙකක් එක් තැන යෙදෙන්නේ ද නැත.

දන්තජ හා මූර්ධජ "ල" "ළ" දෙක එක තැන යෙදෙන බොහෝ විට මූර්ධජ ළ යන්න මුලට යෙදේ.

සමූහයක් හඟවන රළ, පෙළ, මුළ, වැනි තැන්වල මූර්ධජ "ළ" යෙදේ. (ගස් පෙළ, ළමා පෙළ, මුව රළ, තරු වැළ, මින් රැළ, සොර මුළ)

එහෙත් සමූහවාචී  කැල ශබ්දය මූර්ධජ "ළ" නොගනී. 

ස්ථානවාචී පොළ ශබ්දයේ ළකාරය (මූර්ධජ වේ)

ඟ, ඳ, ඝ යන සඤ්ඤක අකුරුවලට මුලින් බොහෝ විට ම යෙදෙන්නේ මූර්ධජ "ළ" කාරය යි. (සුළඟ, ළිඳ, බොළඳ, වෙළඹ)

ස්වරයක් සහිත ව මූර්ධජ "ළ" යන්නෙන් අවසන් වන පද රාශියක් ඇත.

ධාතු ප්‍රකෘතිය "ර" කාරයෙන් අවසන් වන ක්‍රියා පදවල අතීත කාල ක්‍රියා රූපයේ මූර්ධජ "ළ" යෙදේ.