සීමා සහිත සමාගමක වාර්ධික මහ සභා රැස්විම් පැවැත්වු දින සිට දින 42 ක් ඇතුළත ව‍ාර්ෂික වාර්තාවේ (annual return/report) පිටපතක් සමාගමේ අධ්‍යක්ෂකවරයකුගේ හෝ ලේකම් වරයකුගේ අත්සනින් යුතුව සමාගම් රෙජිස්‍‍ට‍ාර් වෙත ඉදිරිපත් කළ යුතුය. වාර්ෂික වාර්තාවට පහත සදහන් ලේඛන ඇමිණිය යුතුය.

1. වාර්ෂික මහ සභා රැස්විමට ඉදිරිපත් කෙරුණු ලාභ ලාභ ගිණුමේ හා ශේෂ පත්‍රයේ සහතික කළ පිටපතක්
   
2. ඉහත සදහන් වාර්තාවලට අදාල විගණන වාර්තාවේ සහතික කළ පි‍ටපතක්
   
3. සමාගමේ අධ්‍යක්ෂවරුන්ගේ වාර්තාවේ පිටපතක්

ඉහත සදහන් කළ පිටපත් සත්‍ය ඒවා බවට සම‍ාගමේ අධයක්ෂකවරයකු හා ලේකම් විසින් සහතික කර තිබිය යුතුය.

1. සමාගමේ කලින් සිටි හා දැනට සිටින සාමාජිකයන්ගේ නම්, ලිපින, පුරවැසිභාවය, රැකියාව, කොටස් පැවැරිම, ලියාපදිංචි කිරිම ආදි කරුණු ඇතුළු සුචිය (index).

ඒ හැර වාර්තාවේ දිනය වන විට නිකුත් කර ඇති කොටස් හා ණයකර ප්‍රමාණය, ලැබිය යුතු හිග මුදල්, අවමිලට නිකුත් කිරිම ඇතොත් ඒ පිළිබද විස්තර, කොමිස්, කොටස් අහිමිකිරිම්, කොටස් බලපත්‍ර නිකුත් කිරිම, දැනට සිටින අධයක්ෂවරුන් හා විගණනකරුවන් පිළිබද විස්තර යනාදිය සමාගම් පනතේ දක්වා ඇති තොරතුරු ද ඇතුළත් කළ යුතුය.